monumenta.ch > Hugutio Pisanus > sectio 28

Word Selection for Searching

Report an Error in this Sectio
Hugutio Pisanus, Derivationes, p8, p13, 28
Vel gluto quasi guluto , a gula, et hoc gluten -nis, terra tenax, utilis ad compages navium et aliorum vasorum, quod et bitumen dicitur; unde glutineus -a -um, de glutine existens vel ad gluten pertinens, et glutinosus -a -um, idest plenus glutine vel tenax, et hoc glutinum , unde hoc glutinarium, idem quod glutinum, quicquid coniungit, scilicet vinculum: proprie tamen glutinum est illud tenax quod fit de glutine ad aliquid liniendum.